Rishta E Aadam O Hawwa (John Aliya)

Meri Masoom Farozi , Meri Mabooda E Jaan
Mil Gaya Hai Mujhe Maktoob E Mohabbat Ka Jawab
Us K Andaz E Nigarish Se Pareshan Huun Main
Wehshat Afza Hai Mere Waste Asloob E Khitaab

Dekhna Thay Mujhe Sharmaye Huwe Kuch Jumlay
Mujh Ko Ahadees O Rawayaat Nahin Sunna Theen
Dekhna Tha Mujhe Ik Jazba E Kamil Tum Mein
Mujh Ko Quran Ki Ayaat Nahin Perhna Theen

Tum Ne Likha Hai K Tum Bhai Samajhti Ho Mujh Ko
Aab E Zam Zam Se Karo Pur Na Jawani Ka Ayaagh
Tum Ne Likha Hai K Pakeeza Mohabbat Hai Mujhe
Shama E Kaaba Se Jalaao Na Meri Shab Ka Charagh

Tum Agar Bhai Samajhti Ho To Yeh Bhi Likho
Bhai K Khat Ko Bhi Chuo Chup K Perha Kerte Hain?
Tum Agar Bhai Samajhti Ho To Yeh Bhi Batlao
Bhai Ka Naam Bhi Sharma K Liya Kerte Hain?

Maine Samjha Tha Mai_Naab E Takhayyal Tum Ko
Ab Yeh Taqdees E Takhayyal To Bari Mushkil Hai
Aao Main Tum Ko Bataon K Mohabbat Kia Hai
Hasrat E Larzish E Be Ja Ka Mukammal Ehsas

MARD O AURAT MEIN MERI HOOR TERE SIR KI QASAM
RISHTA E AADAM HO HAWWA K SIWA KUCH BHI NAHIN